多倫多台灣聯合教會唁文

願你為著公義、民主、和平，繼續管顧咱的故鄉台灣

敬愛的許昭榮兄弟：

　　阮知影你因為多年來為台灣籍老兵的權益四界奔走、靜坐陳情，但是並無得著政府當局積極的反應，美夢破碎，心情鬱卒，最後選擇淋汽油自焚，結束生命，受主恩召，去到主替你已經準備好勢的房間安息。

　　你過去是阮教會的會友，甚至會友中間有人繼續與你保持連絡。阮攏為著你的精神感覺敬佩、痛心、呣甘。

　　今，你已經安息佇無閣煩惱、無閣失望、無閣艱苦、平平安安過日的上帝的家，願你為著公義、民主、和平，繼續管顧咱的故鄉台灣。
　
　　　　　　　　　　　　　　　　　　　　　　　　　多倫多台灣聯合教會 全體哀思
　　　　　　　　　　　　　　　　　　　　　　　　　2008年6月7日